Grade 1 hu l-għola grad ta’ protezzjoni (minn tlieta) li tipprovdi l-liġi, Kapitolu 356, taħt l-Att dwar l-Ippjanar tal-Iżvilupp. Grade 1 jaħseb biex jipproteġi binjiet li huma tal-għola valur arkitettoniku jew storiku li għandhom jiġu protetti fl-intier tagħhom. Twaqqiegħ jew tibdil ta’ dawn it-tip ta’ binjiet jew dak li jista' jkun meqjus bħala parti mil-binja (bħal per eżempju iz-zuntier f'każ ta' knisja) ma jkunx permess jekk ibiddel id-dehra esterna jew interna tal-binja in kwistjoni. Interventi li jkun permessi għandhom ikunu immiriti lejn restawr u riabilitazzjoni tal-binjiet. Tibdil fuq ġewwa jkun permess biss biex il-bini iken jista’ jibqa' jintuża.
Fil-każ tal-Kappella tan-Nibbia (Chapel of Bones, Valletta), din illum m'għadhiex teżisti u kull ma fadal huma xi fdalijiet li ġew meqjusa bħala fdalijiet arkeoloġiċi. Class B tipprotegi dan it-tip ta' fdalijiet li mhux ta importanza daqshekk għolja bħal ma huma ngħidu aħna Ħaġar Qim jew il-Ġgantija imma xorta għandhom valur sostanzjali u għalhekk għandhom jiġu ppreservati. Għandha tittieħed azzjoni biex twaqqaf żvilupp fil-viċinanzi li jkun jista’ jaffettwa dan it-tip ta' fdaljiet ħażin.
|