L-istoriku Naxxari is-Sur Paul Catania jgħid hekk:
Qalilna li dik "il-kamra" li tinsab fit-telgħa li tagħti għan-Naxxar improbabbli ħafna li xi darba kienet kappella. Dik l-ewwel li kien semmieha bħala kappella kien Ġuże Galea iżda mingħajr ma ta l-ebda referenza għaliha minn fejn ġab din l-informazzjoni. Peress li s-Sur Catania, li jieħu ħsieb l-arkivji tal-parroċċa tan-Naxxar, għandu aċċess għal ħafna viżti pastorali, milli jidher din ma tissemma mkien. Hu jikkumenta li kieku xi darba din kienet kappella fir-riċerki tiegħu x’imkien kien isib xi ħaġa dwarha, imma hu s’issa għadu ma sab xejn li jindika li f’dawk l-inħawi kien hemm xi kappella. Jgħid li sakemm ma kinitx taqa’ direttament taħt l-Ordni ta' San Ġwann, ħaġa kemmxejn improbabbli minħabba li m'għandha l-ebda tiżjin partikolari li tassoċċjaha mal-Ordni, l-Isqfijiet kienu kieku xorta jżuruha. Fil-fatt hu sab l-atti tal-Kappella ta' Santa Katerina ta' Wied il-Għasel li kienet ġuspatronat imma xorta kienu jsiru viżti pastorali fiha. Li hu kemmxejn stramb hu il-bieb ta' din il-kamra għax ma taghmilx sens li tibni għorfa fil-kampanja b'dak it-tip ta' bieb, għal użu ta' post ta' kenn ta' xi bidwi.
|